» » » "Қайсар" мен "Тараз" тең тарқасты

"Қайсар" мен "Тараз" тең тарқасты

   Футболдан Қазақстан Премьер-лигасының 15-туры аясында қасқырлар "Таразды" қабылдап, 1-1 есебімен тең тарқасты. Стойчо шәкірттері кездесу басталысымен үш ұпай алу мақсатында жылдам шабуылға көшті. Небәрі 5 минутта шабуылшы Куле Мбомбо есеп ашып, қасқырларды алға шығарды. Дегенмен "Қайсар" ойыншылары сусымалы есепті сақтап қала алмай 30 минутта қақпаларына доп енгізіп алды. Қарсылас команданың ойыншысы Абзал Таубай қақпашымен жеке дара шығып, есепті теңестіріп алды. Бұл голдан кейін "Тараз" қорғанысқа жастана жатып, Қызылордадан бір ұпай алып қайтуды мақсат тұтты. Кездесудің екінші бөлігінде алаң иелерінде гол соғатын мүмкіндіктер мол болғанымен сәттілік серік болмады. Осылайша Сыр алаңында ойнаған қос ұжым 1 ұпайдан еншіледі.

Қайсар - Тараз 1:1 (1:1) 

Гол салғандар: Мбомбо Куле 5 (1:0), Таубай Абзал 30 (1:1) 

Қайсар: Исламқұлов Марсель, Барсегян Тигран (Зенькович Игорь 73), Граф Иван, Джон Джошуа, Әмірсеитов Ілияс, Ламанж Абдель Азиз, Марочкин Александр, Мбомбо Куле (Пуношевац Братислав 46), Нәрзілдаев Думан, Тағыберген Асхат (к) (Байжанов Мақсат 87), Хайруллин Марат. 


Тараз: Сейсен Мұхаммеджан, Әмірханов Мақсат (к), Касрадзе Лаша, Қожамберді Жақып (Эливелто Рибейро Дантас 52), Мартинс Жиан Дос Сантос, Ньюадзи Серж, Пикалкин Игорь (Шадманов Бекзат 46), Айтбаев Берік, Суботич Неманья (Йованович Михайло 83), Сүлей Әлішер, Таубай Абзал.

"ҚАЙСАР" ФК баспасөз қызметі 


23 маусым 2019 ж. 346 0

Келесі матч

19.10.2019 15-00
Павлодар
"Ertis" – "Қайсар"