» » » "Қайсар" футболдан Еуропа чемпионатын ұйымдастырды

"Қайсар" футболдан Еуропа чемпионатын ұйымдастырды

    Илья Ильин атындағы спорт кешенінде "Қайсар" футбол клубының ұйымдастыруымен жеткіншектер арасында Еуропа чемпионаты өтті. Дәстүрге айналған турнирдың мақсаты – 2011-2013 жылы туған жөсөспірімдерді "Қайсар" футбол орталығына іріктеп, команда жасақтау және саламатты өмір салтын нәсихаттау. Еуропа чемпионаты аясында жалауы желбіреген теңбіл доп додасына 6 команда бақ сынады. Жарыстың қорытындысында Франция құрамасы қолаға қол созды. Олар үшінші орын үшін таласта Қазақстан құрамасын шаң қаптырды. Турнирдың ақтық сынында Швеция мен Италия құрамалары шеберлік байқасып, үш доп басымдықпен алғашқысының мерейі үстем болды. Турнир барысында өнегелі ойын өрнегін көрсеткен шебер футболшылар да марапат биігінен көрінді. Атап айтар болсақ: "Ең үздік қақпашы" – Мұхамедали Кенжебай (Англия), "Ең үздік жартылай қорғаушы" – Абдат Алтынбекұлы (Испания), "Ең үздік шабуылшы" – Дулат Аман (Италия), "Сұрмерген" – Дарын Бақытбеков (Франция), "Ең үздік ойыншы" – Айбар Бектас (Швеция) атанды. Жүлдегерлерге медальдар мен естелік сыйлықтар табысталды. Сондай-ақ клуб тарапынан барлық қатысушыларға тәттілер үйлестірілді.


 
14 ақпан 2020 ж. 309 0

Келесі матч

17.02.2020 13-00
Турция
"Қайсар" – "Ноа"