» » » Орталық стадионда тең нәтиже тіркелді

Орталық стадионда тең нәтиже тіркелді

     Футболдан Қазақстан Премьер лигасының 17 туры артта қалды. Бұл турда "Қайсар" өз алаңында "Шахтерды" қабылдады. Бүгін қасқырлар 1 жарым жыл қайта жаңғырту жұмыстары жүргізілген Орталық стадионда ойнауға мүмкіндік алды. 6 жарым мың жанкүйер жиылған стадионда өткен кездесу тартысты өтті.Ойынның алғашқы жартысында қасқырлар жылдам шабуылға көшіп, екі гол соқты. Алдымен бұрыштамадан Иван Граф есеп ашса, 17 минутта Джон Джошуаның көмегімен шабуылшы Куле Мбомбо есепті еселеді. Дегенмен кеншілер бірінші тайм аяқталар тұста есепті қысқартты. Еркебұлан Нұрғалиевтың шірене тепкен добы қақпаның тоғыздығынан табылды. Есеп 2-1! 
Ойынның екінші жартысы қонақтардың қарқынды шабуылымен басталды. Кездесудің 63 минутында кеншілер есепті теңестіруге мүмкіндік алды. Қонақтардың шабуылшысы Иван Пешич командасын жеңілістен құтқарды. Бұл есеп ойынның соңына дейін сақталып, қос команда бір-бір ұпайдан еншілеуге мәжбүр болды. 

"Қайсар" - "Шахтер" - 2:2 

Голдар: Иван Граф 17, Куле Мбомбо 29 - Еркебұлан Нұргалиев 35, Иван Пешич 63

"ҚАЙСАР" ФК баспасөз қызметі 


07 шілде 2019 ж. 191 0

Келесі матч

28.07.2019 19-00
Костанай
"Тобыл" – "Қайсар"